A ROSALÍA DAS MIL CARAS

 

Hoxe, día 23 de febreiro,  hai 187 anos que Rosalía de Castro naceu.

Como é unha das figuras máis salientables da nosa literatura e cultura , celebramos o seu aniversario como se aínda estivese connosco, porque aínda que haxa moito tempo que  non está, as súas leccións de vida aínda seguen vivas.

Rosalía era feminista, traballadora, loitante, valente, compasiva das dores alleas e dos infortunios que ateigaban aquela época, era soñadora, reivindicativa, namoradiña........ un sen fin de adxectivos que non acabariamos nunca.

Para unha mostra temos a nosa exposición: A ROSALÍA DAS MIL CARAS, aqui podedes ver como en 2024 vemos a figura na nosa ilustre escritora.

Despois de ver as nosas "Rosalías", pasamos a ler o manifesto sobre a súa figura, nel falouse dunha Rosalía feminista, a voz dos traballadores, tolerante, galeguista.....Tamén se dixo que sentía tanto amor por Galicia que o proxectaba en todas as súas obras.

Seguramente lle gustaría moito á nosa escritora que todos os galegos erguéramos a cabeza para que Galicia exista nun mundo mellor, diverso e igualitario. 

Despois deste fermoso manifesto, díxose unha lectura compartida desde nenos de EI a Ciclo Formativo, do poema "Nin ás escuras".

Este homenaxe rematou a mañá facéndonos fotos coas Rosalías que compartían espazo con nós:

E ao xantar que habería.........pois o "Caldo de gloria" en homenaxe a Rosalía.