jueves, 20 de diciembre de 2018

OS HAIKUS ( III concurso de fotografía descritiva)

                                             Boneco de neve,
                                      meniño feito de xeo,
                                             frío desexo

Con este Haiku queremos amosarvos todo o traballo realizado por moitos alumnos e alumnas do colexio que quixeron participar nesta actividade a prol do uso da lingua galega.

Os máis pequenos realizaron unas bonitas bolas, campás e anxiños repletos de bos desexos que colgaron na nosa fermosa árbore da lingua.
 
Os demais alumnos da EP e ESO puxeron a traballar a súa imaxinación e saíulles verdadeiras obras de arte. Aquí están algúns exemplos:
 


 
Pero como isto era un concurso houbo gañadores. Todos os rapaces de Infantil foron gañadores, xa que todos traballaron desde o seu corazón.

En EP gañou unha alumna de 4º  chamada Jimena costas Abeledo ao realizar este bonito traballo:
 

En Educación Secundaria gañou a alumna Clara Zapatero López de 2º ESO. Esta é a súa magnífica obra:

Os premios para os gañadores foron  libros para que continúen alimentando a súa imaxinación.



 

sábado, 24 de noviembre de 2018

A NOSA RELACIÓN CO GALEGO

Este foi o título dunha redacción posta en 1º de ESO a semana pasada. son 26 alumnos e cada un ten una relación diferente coa Lingua de Galicia, hainos que pensan que a lingua galega é una materia máis e difícil, outros que é una mágoa que non a falen porque nos seus fogares non a utilizan, poucos pensan que é o tesouro que temos en posesión todos os galegos..... e así ata 26 opinións.

Deixo dous exemplos de alumnas que , ao ler os textos na clase, fixeron que os seus compañeiros aplaudirán expontaneamente. A primeira é de Aurora Recamán e a outra de Liza Otero.

O meu galego
A miña relación co galego comeza cando escoitei por primeira vez a meu pai falar.
Como xa vos contei outras veces, a miña nai é de Perú, e aínda que alí non se fala galego, ela quixo tamén estudar a nosa lingua a prol de desenvolves a súa carreira profesional.
Pola miña banda, dende moi pequerrechiña as miñas mestras da gardería ensináronme as primeiras palabras en galego. Despois xa viñeron outros cursos onde fun perfeccionando a nosa lingua, tanto no eido gramatical como tamén o vocabulario e a escritura.
Có fin de acadar estes obxectivos tiven moita axuda por parte da lectura de contos e historias escritas en galego; un dos meus escritores favoritos é Agustín Fernández Paz.
Hoxe son quen de manter una conversa na nosa lingua, de ler e comprender un texto literario aínda que teño moito que mellorar. A vantaxe que teño é que aínda son moi nova e quédame moito tempo para estudar.
Síntome moi identificada coa nosa lingua que é a parte máis importante da nosa cultura galega.
                                                                               Aurora Recamán


A miña relación co galego
Galicia é a nosa terra e o galego o noso idioma. Este é tranmitido de país a fillos como forma de comunicación.
Eles falárono e nós falámolo.
A lingua é un reflexo da nosa historia, algo do que temos que estar orgullosos.
Escoitamos galego na casa pero tamén o estudamos no colexio.
As linguas permítennos ter máis facilidade na aprendizaxe de calquera materia.
Canto máis dominemos a lingua, mellor entenderemos todo o que nos rodea.
O galego crea un lazo de unión entre a xente que o fala e iso fai que un se sinta cómodo e protexido.
                                                                           Liza Otero

jueves, 22 de noviembre de 2018

III CONCURSO DE FOTOGRAFÍA DESCRITIVA

Moi boas,

como ven sendo costume por estas datas, o equipo de Dinamización Lingüística convoca o concurso de fotografía descritiva, pero este ano hai un pequeño-gran cambio, en vez de describir o que ides fotografar, hai que facer un HAIKU.

Preguntarédesvos que é un "haiku", pois ben, é un xénero poético de orixe xaponesa.

É moi doado de facer, apuntade:
- Non ten rima
- O primeiro verso só ten 5 sílabas, e é onde se fala do sitio ou do tempo da foto, neste caso.
- O segundo verso ten 7 sílabas
- Terceiro verso 5 sílabas.

Velaquí un exemplo:

Vella lagoa...
                 Unha rá brinca;
                       O son da auga.
 

En total hai que escribir un poema de 17 sílabas, así que ánimo! , a facer fermosas fotos que vos transmitan pura poesía.

O prazo remata o 12 de decembro.
Os traballos entregaranse aos profesores que os farán chegar ao equipo de DL.

Grazas e a participar!

viernes, 2 de noviembre de 2018

POLO SAMAÍN, CAVEIRAS EU VIN!


Moi bo e feliz Samaín a todo o mundo!
Hoxe é un día moi feliz para os morceguiños, mouchos, curuxas, bruxas da nosa escola, xa que hoxe podemos saír á rúa co noso disfraz e poñer medo aos inocentes, hihihi!

Para celebralo fixemos moitas cousas, en primeiro lugar escribimos micro-contos téndonos a nós, personaxes do Samaín, como protagonistas. Das plumas dos rapaces saíron composicións do máis tenebrosas e sinistras, ideais para poñer medo nestas datas.





Ademais de escribir diferentes aventuras, tamén o pasamos moi ben no photocall que as nosas compañeiras de biblioteca fixeron para festexar o Samaín.

E por último fomos animar os nenos máis pequenos cunha canción típica: "Tumba, Tumba":






miércoles, 24 de octubre de 2018

EMPEZAMOS ........CO OUTONO!

Moi boas a todo o mundo!
Un ano máis estamos dispostos a traballar moitísimo a prol da nosa lingua; esta lingua que ás veces nos esquecemos de que é o noso tesouro e non a utilizamos tanto.
Para que esta situación cambie, o equipo de Dinamización Lingüística do noso centro vai propoñer actividades moi divertidas para que utilicemos o galego case sen decatarnos.
A primeira actividade foi encher a nosa "árbore da lingua" con cogumelos, follas, ourizos....repletos de versos creados por nós mesmos.
O traballo foi moi gozoso, pois por equipos traballamos as poesías dándolles sentidiño e forma.
Se queredes pasar e ler as nosas creacións , non tedes máis que achegarvos á nosa ÁRBORE.

Que actividade nos terán preparada para o Samaín? Na próxima entrada saberédelo!



jueves, 17 de mayo de 2018

DIA DAS LETRAS GALEGAS 2018

O día de onte foi unha data moi importante para todos nós no colexio, celebrouse a festa das nosas Letras, da nosa Literatura, da nosa Cultura, é dicir a Festa do que somos : GALEGOS.

Este ano dedícase o Día das Letras Galegas a Mª Vitoria Moreno, unha cacereña que ao chegar a Galicia namorouse da súa fala e da súa cultura e fixo disto a súa razón de ser, pois ata foi represaliada por alfabetizar a adultos en Lingua Galega.
Os rapaces de 1º de ESO achegáronnos a súa vida e a súa obra:


María Vitoria cultivou sobre todo a Literatura Infantil e Xuvenil, e para mostra do que fixo, os alumnos de 1º e 2º de ESO amenizáronnos cunha peza de teatro infantil titulada " A nena que quería ser unha boa bruxa":


As Letras e a música sempre van unidas e nós puidémolo comprobar coa fabulosa actuación do grupo LILAINA:


Un dos momentos máis entrañables foi cando se subiu ao escenario o alumnado de 4º de EP para interpretar "A ratiña Feroz":



Toda festa que se precie ten un baile, e que mellor que festexar as Letras coa nosa muiñeira máis internacional, a Muiñeira de Chantada, todo un gozo para a vista e os ouvidos. Os encargados foron os rapaces que asistiron ao obradoiro de folclore que tivo lugar unhas semanas antes:


E para rematar quedou o máis importante: o noso HIMNO, feito por Pondal e que desde o Rexurdimento fai florecer a esencia de ser galegos no noso corazón.


Lembrade, nós recibimos a Lingua Galega en herdanza e é o noso papel coidala para que chegue aos nosos fillos, así que FALADE GALEGO e a Lingua Galega non morrerá.




domingo, 29 de abril de 2018

OS LIBROS QUE NOS GUSTAN

Con motivo do "Día do Libro", que tivo lugar o 23 de abril, dende o equipo de Dinamización propúxose aos alumnos que describiran os  libros que máis lles gustaran desde sempre.
Os rapaces sacaron o mellor deles para redactar os motivos polos que elixían eses libros, moita emoción e lembranzas desas lecturas.
Aquí vos deixamos os máis salientables:








viernes, 13 de abril de 2018

ENREGUEIFATE

Por segundo ano consecutivo, os nosos alumnos participan no concurso ENREGUEIFATE.
Pero......que é Enregueifate? Pois Enreguéifate é un proxecto impulsado polos concellos de Ames, Carballo, Santiago de Compostela e Teo que apoia a difusión da improvisación oral en verso para contribuír, por medio dela, á promoción do uso da lingua galega.

O obxectivo principal deste proxecto é que a rapazada entre en contacto coa improvisación oral en verso a través da experiencia de regueifar, e no noso colexio estamos a inténtalo. Esperamos facelo mellor ano a ano.
Aquí vos deixamos dúas mostras, os rapaces de 1º de ESO no que describen a situación do galego en Galicia e os rapaces de 3º de ESO que contan a historia da Ponte da vila.:

domingo, 11 de marzo de 2018

CELEBRANDO O DÍA DA MULLER EN 2º DE EP

Os nenos e nenas de 2º de Primaria conmemoramos o día da Muller realizando unha serie de actividades. Vimos a historia de Arturo e Clementina e mantivemos unha interesante conversa sobre a mesma. Logo comentamos os motivos polos que pensabamos que as nosas nais eran súper mulleres e fixemos unha actividade para plasmar o noso pensamento. Deixámosvos as fotos a continuación

sábado, 10 de marzo de 2018

CIENTÍFICAS GALEGAS

No Día da Muller, queremos lembrarnos das nosas científicas. Tanto das mulleres que comezaron con moitas trabas no seu camiño e ainda así, conseguiron facer o que lles gustaba, traballar nun mundo de homes e faciliatarlle o camiño ás demáis.
Os alumnos de 3º e 4º da ESO buscaron científicas galegas, descoñecidas na maioría dos casos, pero mulleres importantes en todas as áreas da ciencia.
Aquí deixamos unha mostra.

DÍA DA MULLER





O pasado 8 de marzo, celebrouse en todo o mundo o Día da Muller.
Os alumnos da ESO quixeron celebrar esta data dedicándolle un texto á muller marabillosa que admiran.
Moitos deles elixiron ás súas nais, avoas, curmás pero tamén a peroas que loitaron por ser iguais nun mundo dominado polos homes como algunhas pilotos de rallys, bombeiras, ......
Escribiron textos cheos de agradecemento e admiración. Daban as grazas por facerlles o seu camiño máis fácil, grazas a elas, as rapazas de hoxe en día teñen moito gañado en canto a igualdade .
Oxalá todos os días foran 8 de marzo.




viernes, 9 de marzo de 2018

X CONCURSO DE RELATO CURTO DE COCA-COLA


Un ano máis por estas datas , celébrase o concurso, convocado por Coca-Cola, de relato curto na Facultade de Filoloxía de A Coruña.
Nesta ocasión, as "escritoras" que se presentaron ao concurso con toda a súa ilusión e coa mochila repleta de imaxinación, son Paulina Tomé e Miriam Rico, alumnas de 2º de ESO.
 
Na sala había un total de 150 alumnos de toda a provincia e dispuxeron de dúas horas para desenvolver o estímulo seguinte: Os profesores: pasaporte ao futuro.
A esa mesma hora  o concurso empezaba en todas as Provincias  , as nosas alumnas terán que ser das mellores entre máis de 300 personas para poder alcanzar o triunfo.
Ánimo e moita sorte!

miércoles, 28 de febrero de 2018

O DÍA DE ROSALÍA

                                           

Este pasado luns celebramos por todo o alto o Día de Rosalía. A gran escritora galega naceu o 24 de febreiro de 1837 e é esa a razón pola que este día é un dos grandes da literatura galega.

O primeiro que fixemos foi un bonito concurso de marcapáxinas relacionado con este día e dirixido a todos os niveis educativos. Houbo unha moi grande participación e os gañadores son os seguintes:
Lara por EI, Martín de E.Primaria e en Secundaria a nosa alumna S.
 
 

Xa o propio día do acto visitounos a propia Rosalía de Castro, (en realidade era a nosa Sofía Allegue de 3º de ESO), para lernos un manifesto a prol de abrir as fiestras á cultura, á lingua, a Galicia!
                                   

Todos xuntos quixemos ser Rosalía ese día e para iso caracterizámonos da escritora cunha carauta que fixemos con todo o noso cariño.

Esperemos seguir celebrándoo o ano que vén!.