martes, 21 de diciembre de 2010

BO NADAL



Cos mellores desexos de Paz e Solidariedade do equipo de Dinamización Lingüística.

Bo Nadal e Ledo Aninovo

jueves, 2 de diciembre de 2010

AS VANGARDAS

Os alumnos de 4º da ESO despois de ter estudado `` VANGARDAS´´ animáronse cos caligramas. Aquí deixamos unha mostra. Esperamos que vos guste.[slideshow]

viernes, 12 de noviembre de 2010

O Conto Viaxeiro de Ferrolterra

Deixamos aquí o Conto Viaxeiro. Esperamos que vos guste. Preme aquí.



Este conto foi feito por alumnos de distintos colexios de Ferrolterra. Pretendíase que colaborasen nun proxecto conxunto e o resultado foi este contiño. Participaron os alumnos de 4º de E.P do Colexio "Xesús Maestro", 5º de E.I do noso colexio, 6º de E.P de "Sagrado Corazón de Mercedarias" e 1º ESO de "santa Xoana de Lestonac". Os alumnos destas clases participaron encantados na actividade e o premio é poder disfrutar do conto tantas veces como queiran.

jueves, 11 de noviembre de 2010

Magosto 2010

[slideshow]

A celebración do Magosto e a festa do Samaín encheron de cabazas e froitos de outono o colexio.
Os rapaces dos diferentes cursos, cubriron a nosa chousa de follas e froitos decoradas con adiviñas, refráns e ditos populares.
O Magosto fixo que polo patio, por ciclos, pasara todo o alumnado a asar e degustar as saborosas castañas.
A continuación participaron en xogos nos que este froito foi o centro das actividades.
Todo o colexio gozou neste día , esperamos repetilo en anos sucesivos. Ata a próxima.

miércoles, 10 de noviembre de 2010

PREMIO "FREI MARTÍN SARMIENTO"

Ao igual que outros cursos, e este para non ser menos, estamos inmersos na lectura dos libros que participan no concurso do Frei Martiño Sarmiento. Seguramente saibades de que vai, pero para quen non estea ao tanto, explícovos:por etapas, estamos a ler libros en galego publicados o ano pasado, temos ata marzo para facelo; despois poñemos unha puntuación (nesta ocasión somos nós os profes), e o que máis puntos teña pois gaña o Premio. Pero non estamos sos nesta aventura, participamos a meirande parte dos colexios integrados en FERE.
Preguntarédesvos en que consiste o premio, pois ben, hai unha festa chamada " A Festa da Lingua", a ela asistimos todos os colexios participantes no Premio, pasámolo moi ben, pois coñecemos moita xente, hai diversos talleres de contacontos, temos a posibilidade de charlar cos autores dos libros, hai música... etc; e o mellor é, que hai moitos xogos nos que participamos ata que se nos acaban os folgos. Ao remate da festa, entrégase o Premio ao autor que máis puntuación tivo na lectura da súa obra.
Ler é moi divertido e máis cando ao remate tes unha festa para celebralo! Anímate e participa.

martes, 25 de mayo de 2010

LETRAS GALEGAS 2010


SEMANA LETRAS GALEGAS


19 Mayo 2010 por Administrador 





Falade na vosa lingua, falade na lingua nai.

POEMA CANEIROS:

¡Na barca dos Caneiros,
que ben están
as ondiñas do mare
que a morrer van!
Betanzos do meu xeito
veas pasar
pola Ponte de Pedra
feita un cantar
Teñen posto o luceiro
da mocedá,
e os arbres ben floridos
hanas buscar.
Barcas as betanceiras
vanse a correr,
aló polos caneiros
pra non volver.

Prateiros de Bergondo
hanas enxoitar,
coas plumiñas do vento     
que ben están.

                                    Uxío Novoneyra

 

 

Martes 18:

 11.30: Salon de actos: homenaxe a Uxío Novoneyra.

           Biografia e obra do autor

Interpretación de “Fiandeiriña delgada” por parte dos        alumnos da ESO

Escolma musical

Mércores 19:

11.30: Finola, a contacontos de Neda deleitará có seu arte    aos alumnos de Educación Infantil

Ao longo de toda a mañá os alumnos do centro visitarán Asociación Olmo como cada ano , onde participarán dos diferentes talleres adicados ás Letras Galegas      

Xoves 20:

9.35: Os alumnos de 3º e 4º da ESO comenzan a súa andaina coma contacontos polas distintas aulas, amenizando a mañán aos seus compañeiros

Venres 21:

11.30: a partires desta hora un singular caraoque estará preparado na aula de pizarra dixital desposto a que milloredes as vosas marcas como cantantes en lingua galega

12.35: Os alumnos de 3º e 4º da ESO continuarán coa súa tarefa de contacontos especiais.


viernes, 5 de marzo de 2010

O BILINGÜÍSMO

Galicia, unha comunidade verde, onde a chuvia é arte, con moita historia, e aínda por riba, con dúas linguas.

Un idioma é cultura, é enriquecer o noso vocablo, ampliar os nosos coñecementos, pero... dámoslle a suficiente importancia? Na miña oinión, non!. Aínda hai moita xente que cre que o noso idioma é "de aldea" ou que non vale para nada. Sabemos realmente o que dicimos?

Menospreciamos a nosa propia lingua, esquecemos todo o que loitamos para que poida existir unha igualdade.Esquecemos os Séculos Escuros, a prohibición do noso idioma natural... . Parece que renegamos das nosas orixes  e iso é tan triste coma renegar dunha nai.

Afortunadamente, podemos disfrutar dunhas liberdades, podemos elixir, mais, se non queremos o noso, como imos querer e saber apreciar o inglés? Parece que o de fora é mellor, e esquecemos realmente a importancia da nosa fala, un ben moi preciado que moi pouca xente disfruta e practica. Se comparamos o uso do catalán e o uso do galego, poderemos comprobar o que infravaloramos un idioma, a nosa lingua nai.

Creo que o mellor sería aprender a apreciar o que temos dentro e logo ampliar a nosa cultura e os nosos coñecementos pero, sempre recordando quen somos e de onde vimos.

                                                                          Cristina Varela, 2º ESO

miércoles, 10 de febrero de 2010

AS LETRAS DAS COMPARSAS DO NOSO ENTROIDO

E.INFANTIL

Retrouso:

Pásao ben,

baila moito e mira con quen.

Pásao ben,

come orellas, filloas tamén.

Na festa do Entroido

 facemos o indio

as mestras tolean

co noso ruído

A xefa da tribu

pon a todos firmes

aos nenos, maiores

non hai quen lle imite.

Retrouso

Coas  tecnoloxías

non temos costume

pois nos “chateamos”

 con sinais de fume

Pero a Dire quere

as mestras modernas

cos ordenadores

poñerse coas teclas

1º E 2º PRIMARIA

Os Exipcios

Aquí estamos, os exipcios, os que vimos de moi lonxe,

A anunciarlles, ós rapaces que o entroido xa chegou.

Faraóns e esfinxes, inventamos moitas cousas

e Cleopatra, a raiña, é máis guapa que  unha rosa

Retrouso

Alá polo deserto vivimos moi contentos

Ti dános unha pedra e faremos monumentos

Fixemos moitas momias con papel de envolver

Se queres vir connosco, pasaralo moi ben

E se queres disfrazarte, falarás coas nosas profes

E faranche deseguida un bo taxe con recortes

Retrouso

Se cruzas o Nilo, terás un bó destino

Non cruces polo Ganxes, non é o noso camiño

Ven súbete ó camelo, con moita suavidade

Verás o patrimonio , da nosa humanidade

3º E 4º PRIMARIA

FRESCURA POPULAR.

OS ESQUIMAIS

Que viva, que viva,

que viva o entroido

que viva, que viva

desexamos todos.

Galegos por todo o mundo

galegos por todo o mundo

tamén na zona polar.

Con frescura celebrando

as festas do Carnaval.

Que viva, que viva....

Vestimos pel de animais

vestimos pel de animais

para dar conta do frío

co xeo como anestesia

as dores non as sentimos.

Que viva, que viva....

Convivimos coas focas

convivimos coas focas

con osos, tamén con cans

viaxamos en trineo,

patinamos polo chan.

Que viva, que viva.....

Xa logo nos recollemos

Xa logo nos recollemos

no iglú dos esquimais

a durmir e descansar,

soñando cos carnavais.

Que viva, que viva....

5º E 6º PRIMARIA

AVE CÉSAR

Somos os romanos e neste 2010

Vimos conquistar o imperio “San Xosé”

Coliseos, murallas, pontes e demais

Son cousas que deixamos pero aínda hai máis.

Somos os romanos, romanos

Isto é o que deixamos, deixamos.

Cos números romanos has de pelexar

Aínda que te aburran, tes que aprobar.

Coas mates e leóns has de loitar

Como os gladiadores fixeron cos leóns.

Somos os romanos…

Se tedes o galego, inglés e castelá

Debédesllo ao latín que botou unha man,

Menos falar e mais reflexionar,

Usa ben a lingua e a comunicar.

Somos os romanos...

Antes era César o que gobernaba

Agora son os profes os que vos mandan.

Tantas materias, que aburrimento

Quero máis recreo, máis divertimento.

Somos os romanos...

Fixemos teatros para disfrutar,

Agora temos festa para celebrar,

Estamos no Entroido pasámolo xenial,

Romanos, galegos, iso dá igual.

Somos os romanos...

 1º E 2º ESO

“O ROCK AND ROLL DO ENTROIDO”

Un día chegou Elvis e púxose a cantar

Con él Michael Jackson botou a bailar

Veu detrás  Madonna e todo se animou e

o gran Bruce Springsteen comeza a tocar o rock

todo o mundo a bailar

todo o mundo coa canción

correron a bailar o rock

Chaplin sabía darlle o saxofón

E os vaqueiros dábanlle duro ao tambor

Hommer batería dicía tocar

E todo Springfield comezou a bailar o rock

Todo o mundo a bailar

Todo o mundo coa canción

Correron a bailar o rock

O paiaso Ronald non quería bailar

Estaba moi canso para rockanrolear

A unha coca-cola alguén o invitou

Non tivo reparos e saltou a bailar o rock

Todo o mundo a bailar

Todo o mundo coa canción

Correron a bailar o rock

Dixo Groucho Marx que non estaba mal

Pero o Tío Sam non quería parar

Os hippis cantaban cánticos de paz

mentres Barak Obama marcaba o compás

Todo o mundo a bailar

Todo mundo coa canción

Correron a bailar o rock
Un amargado non quixo bailar
Foise ao rincón e púxose a chorar
Chegou Elvis Presley e díxolle así:
“O rock and roll de entroido” é para gozar!, o rock
Todo o mundo a bailar
Todo o mundo coa canción
Correron a bailar o rock

 3º E 4º ESO

Somos de México lindo e querido

E unha rancheira ímosvos cantar

Estade atentos, deseguida nos vamos

e non nos deixan volver actuar

Como sodes moi aplicados

Non hai problema para nos situar

Estamos baixo os americanos

E xusto enriba de América central

Os nosos profes estarían encantados

uns días lonxe sen nos aturar,

en Acapulco, Cancún, ou Tijuana,

calquera serve para desconectar

Aínda que vamos así vestidos

Curramos moito para aprobar

pero o Entroido xa chega estes días

e aquí vimos cantar e bailar

Tede coidado cando fame teñades

As nosas salsas pican a rabear,

Non vaia ser que de tantos ardores

Os bombeiros teñades de chamar

Pois isto e todo, por hoxe xa chega

Cando queirades vídenos visitar

Cruzade o charco en avión ou en barco

Os mexicanos alí sempre estarán.

A VOLTAS CÓ AMOR

Querido amigo,

Eu quería falar contigo, xa que quero que saibas que te quero, pero non é un sentimento calquera, é de verdade, cada cousa lémbrame a ti.Eu non quero que isto sexa dun día, senón, que quero algo serio; logralo gustaríame moito. Creo que por intentalo nunca se perde nada, eu quería que isto o soupeses por se ti queres o mesmo, senón é así e estou errada , non pasa nada, compréndoo aínda que me doa moitísimo. Agora xa o sabes, e es ti o que ten que decidir

María 3º ESO

Querida amiguiña,

Somos coñecidos desde hai tempo. Non temos unha amistade moi alá pero sei que chegará a bon porto. Ti es simpática e amable e eu intento corresponderte de igual forma.

Sinto mais agora teño que marchar ao estranxeiro, espero que aínda estés libre cando volva. Mentras tanto direille a un amigo de confianza que te coide moito

Un bico Xaime 3º ESO

Ola,

Ti a min non me coñeces pero eu non fago máis que pensar en ti día e noite, mañá e tarde, soñar contigo. Gustaríame que me coñeceras pero sei que non me corresponderías, só quero que saibas que tes un pequeno corazón conquistado no mundo...

Con amor..... Anónimo (3º ESO)