Como xa vén sendo costume, cada ano por estas datas, celébrase a Xornada de Normalización Lingüística promovida por Escolas Católicas e ten lugar no marco incomparable do Consello da Cultura Galega en Santiago.
Tamén , como vén sendo habitual, son as mesmas persoas quen dan a benvida a todos os coordinadores e coordinadoras de Lingua de todos, ou case todos, os centros adscritos a Escolas Católicas.
Juana Otero, secretaria autonómica de Escolas Católicas, dounos a benvida e analizou o programa da XIX Xornada.
Valentín García, secretaro xeral de Política Lingüísta, animounos aos docentes a sementar o galego entre o noso alumnado.
Silvestre Gómez, secretario do Consello da Cultura e profesor xubilado, animounos a seguir con ilusión o noso traballo a prol da nosa lingua.
Teresa Pastor Novo, Susana Villalta e Fuco Paz axudáronnos a mergullarnos no mundo de Luísa Villalta.
Resaltaron a importante figura da autora que será homenaxeada nas Letras Galegas 2024. Villalta foi unha artista polifacética, escribía, tocaba o violín, pero sobre todo foi unha moi querida profesora.
Unha moi interesante ponencia foi a de Carina Fernández, comisaria da exposición "As mulleres do Seminario de Estudos Galegos". Non só foron homes os que compuxeron o Seminario de Estudos Galegos hai 100 anos, tamén houbo mulleres, que nunca ou case nunca aparecen nos libros de textos.
Esta exposición pódese ver no Gaiás.
Eira Losada, creadora de contido en galego e Borxa González, mostráronos como a Lingua Galega está presente nas redes e de actualidade. Tamén destacaron a importancia de consumir e e de crear contidos en galego para as redes sociais así como o seu uso no eido educativo.
Chegou o mento de rendirlle homenaxe ao Breogán, equipo que en todas as súas comunicacións utiliza o galego.
En representación do club acudiu Marcos Fernández, responsable de comunicación do club.
Os
Premios Irmán Reboiras á mellor iniciativa de fomento do galego, que
contan co patrocinio por editorial rodeira Edebé e co apoio da SXPL,
recaeron no proxecto “Compacontos”, do colexio Compañía de María da
Coruña, e na iniciativa “Saca a lingua a pasear”, do CPR Fillas de María
Inmaculada, de Vigo. No primeiro, o alumnado crea contos solidarios
personalizados para nenos e nenas ingresados no Teresa Herrera. No
segundo, o alumnado de téxtil do centro de FP creou bolsas con frases
en galego e, ao lado, un código QR remite a uns vídeos onde os
alumnos/as explican as frases e as traducen a lingua de signos”.
E a Clausura estivo a cargo do violinista PEdro Navarret que interpretou pezas da propia Luisa Villata.
Así rematou unha xornada intensa, na que se veu que o galego abrangue todos os ámbitos sen complexos de ningún tipo.
Esparamos con impaciencia a convocatoria do vindeiro ano.
