Os mozos e mozas están parte do seu día en internet, visitando páxinas do seu gusto e seguindo a "influencers" e a "youtubers", que lles van indicando o que é máis "in" ou o que está "demodé" hoxe en día.
Pois ben, como este trimestre tocounos estar na casa, na materia de Lingua e Literatura Galegas da ESO, fixemos a nosa particular avaliación dos libros de lectura que nos tocaban ler como se os alumnos forar verdadeiros "youtubers", pero con algo interesante que dicir.
O primeiro que fixeron foi, por suposto, ler as obras, e logo facer un guión do que querian explicar ao seu público:
- Quen é o autor da obra?
- De que trata?
- Como se divide?
- Que quere expresar?
- Como son os personaxes?
- Pódese relacionar con outra obra?.....
E así , cada un/unha ao seu xeito, contáronnos obras que van desde Gerónimo Stilton, ata a poesía de Carlos Negro ou o misterio de Jaureguizar.
Só deixamos aquí un video, pero todos os entregados son merecedores de estar aquí.
Moitas grazas nen@s, fixéchedelo moi ben.
Boas tardes, Manuela:
Primeiro de todo, moito ánimo nesta situación
excepcional, agardo que todo vaia ben, e que teñas saúde, e tamén os
teus seres queridos.
Agradezo moitísimo este envío, porque
detrás del hai moita ilusión e esforzo por parte do alumnado e tamén
túa, como mediadora. Grazas por animalos a ler poesía,faime moita
ilusión recibir estes vídeos do alumnado. Dálles os parabéns, gustáronme
moito, están moi ben.
Unha aperta grande e ogallá algún día poida visitar o voso centro e darvos as grazas.
Carlos Negro
