OBRADOIRO " TRADICIÓNS"

 Antes de marchar de vacacións de Semana Santa, o colexio estivo embarcado en diferentes obradoiros. Tres profesores do equipo de Dinamización Lingüística propuxemos "Tradicións". O noso obxectivo era que o alumnado coñecera diferentes oficios, algúns deles a piques de desaparecer, cantigas e xogos dos tempos dos seus avós e bisavós.

A primeira actividade foi investigar , por equipos, traballos tradicionais relacionados coa ganderia e co campo, outros co mundo do mar e o último cos instrumentos musicais. 

 Ás 10 da maña chegaron as "Mulleres rurais de Cabanas" para aprendernos o que fan coa la das ovellas da contorna.

Grazas a elas, os nosos alumnos aprenderon a escarpizar:

 O segundo paso foi cardar, actividade que lles gustou moito facer:

 

Logo de aprender isto foron probando os diferentes instrumentos da fía: o fuso, a roca.....

 

Despois do recreo veu Manolo Fuentes para falarnos da que foi a súa profesión durante moitos anos : a Pesca.

Contounos todo o que facían se ían ao Gran Sol ou a Baixura;  tamén nos relatou a súa experiencia cunha balea preto dos cantís de San Andrés de Teixido.

d

 Por último, e con toda a paciencia do mundo, ensinou como se cosían as redes e fixeron a práctica nas porterías de fútbol do colexio.

Ao día seguinte comezamos cunha presentación que fixo a profesora Blanca sobre os xogos de palabras, xogos de mans, as cancións que acompañan certos xogos...

 

Despois da explicación, elaboramos unhas bonecas de la, estas bonecas foron aprendidas pola avoa Celia desta servidora. Algúns rapaces non chegaron a facer as bonecas e quedaron en polbos.

 

A segunda parte da mañá estivo dedicada a poñer en práctica algúns xogos dos de antes: canicas, corda, a goma, xogo de mans, a corda de mans, discos, atrapa a bóla, a pita cega, os zancos....

 

 

 E atá aquí o obradoiro de "Tradicións", queremos dar as grazas á xente que colaborou conosco, en especial ás Mulleres rurais de Cabanas e a Manuel Fuentes por vir mostrarnos o seu saber desinteresadamente.

48 HORAS EN GALEGO

 

 Este 2026 xa é a cuarta edición deste proxectiño chamado "48 horas en galego". 

Decatámonos que cada vez vai a máis a desgaleguización da rapazada, cústalles moito falar en galego, mesmo nas aulas de Lingua; é por iso  é necesario que sintan na súa propia carne como é falar galego sempre, comprobarán que serve para todo e que non é nin moito menos unha lingua de segunda.

O primeiro que se fixo, a modo de recordatorio, foron unhas chapiñas que tiñan que levar postas as 48 horas, así todo o mundo decataríase do proxecto e falarían en galego cos rapaces.

O segundo paso foi asinar o compromiso de realizar esta actividade :

Cando pasaron as 48 horas, cumplimentaron unha memoria. Había todo tipo de respostas, a maioría levou moi ben o de falar galego sempre, de feito todos puxeron que o segundo día xa falaban con naturalidade, sen traducirse.

Uns poucos esquecéronse en determinadas situacións, cos amigos que non o falaban, nos adestramentos, nas actividades de pola tarde...... pero foron os menos.

O final da actividade chegou cando os pais tamén avaliaron a actividade, de como viviran esa situación.

O mellor é que todos dixeron que fora unha boa experiencia e que se tiña que facer máis a miúdo.

Así que xa sabedes, en lugar de 48 horas, pode ser unha vida en galego!

VISITA DE PERE TOBARUELA AO NOSO CENTRO

 Esta mañá recibimos no noso centro ao escritor Pere Tobaruela. Escritor catalán que desde hai 21 anos vive en Galicia e escribe na nosa lingua.

Os alumnos de 1º e 2º ESO durante este trimestre dúas obras súas, os máis pequenos traballaron "Cinco horas con Mauro" o tema do acoso e os rapaces de 2º descubriron a intriga e o amor pola toponimia no "Asasinato da profesora de Xeografía".

 O autor falou da súa experiencia como escritor e da forma de crear tanto os personaxes como a acción. 

Compartir para reflexionar e facer pensar é o motivo que o leva a seguir publicando para os máis novos, tamén dixo que un libro era unha fiestra para ver o mundo.

Despois de contestar a todas as preguntas que fixeron os rapaces , chegou a hora de firmar os exemplares.

 

23 DE FEBREIRO. DÍA DE ROSALÍA

 Este 23 de febreiro, o noso centro volveu render homenaxe a Rosalía de Castro, con motivo do Día de Rosalía e do 189 aniversario do seu nacemento . A celebración combinou emotividade,  e participación de todo o colexio, reflectindo que a autora segue sendo símbolo de identidade, xustiza e esperanza para todos nós.

Os rapaces traballaron facendo pictogramas de poemas da autora e parafraseando o seu archicoñecido "Adiós ríos, adiós fontes" pero con temas actuais. 

 O acto máis chamativo foi a lectura compartida entre todo o alumnado. Clase por clase baixouse ao patio para ler a obra de Rosalía, neste caso foi "Follas Novas".

 

 E co corazón contento e inzadiño de poesía despedimos esta fascinante celebración cos seus versos prendidos na memoria ata o ano próximo.

 

DESFRUTAMOS DO MANDADIÑO

 

Chegou a semana de Entroido e o noso colexio foise animando día a día por mandato do Mandadiño.

Os rapaces chegaron o luns co pescozo cuberto por colares, gravatas divertidas... o martes foi estupendo coa cara pintada e o mércores desfrutamos dos pelos aloucados oe orixinais perrucas o xoves cada un trouxo calcetíns diferentes en cada pé.

Pero o venres...... o venres o Entroido explotou e cada clase vestiuse de xogos divertidos, e quixeron facerse fotos co noso esquelete favorito: Mandadiño!

Ata o ano que vén, Mandadiño!