UN ESCRITOR INFANTIL NO COLEXIO

 

O alumno de 6º de EP, Daniel Iglesias Domínguez, foi o gañador na súa categoría no Concurso de Literatura Infantil e Xuvenil do Día das Letras Galegas convocado pola Xunta de Galicia.

 Daniel escribiu un fermoso relato sobre unha historia que acontecía nos tellados da Catedral de Santiago. A súa imaxinación e o ben que redacta fixérono gañador fronte a numerosos rapaces de toda Galicia que se presentaron ao Certame.

 

O acto de entrega de premios tivo lugar o pasado venres 20, na sé da Escola Galega de Administración Pública (EGAP) en Santiago.

Moitos parabéns para Daniel e a súa profesora María, por animalo a escribir e a participar en tan importante concurso.

LETRAS GALEGAS 2022

 

O 17 de maio, celébrase en toda Galicia o Día das Letras Galegas. Este ano está dedicado ao escritor Florencio Delgado Gurriarán, e, como en todas ocasións , no noso colexio traballamos sobre a súa figura para coñecer a súa vida e obra.

Xa desde hai algún tempo, as profesoras de Lingua puxéronse a traballar co seu alumnado sobre Florencio Delgado. Así coñeceron que naceu en Córgomo, unha aldea de Valdeorras, que estivo en Palencia e logo en Valladolid por mor do traballo do seu pai e, que unha vez empezou a guerra, fuxiu dela a través de Portugal chegándo a Bordeos (Francia) e desde alí cruzou o Atlántico cara México.

 

 Como podedes ver nas imaxes , todas as etapas estiveron a traballar a conciencia para coñecer ao homenaxeado.

Chegou o gran día da celebración, e o mércores 18 de maio, todo o alumnado reuniuse para homenaxear a Florencio Delgado.

En primeiro lugar, houbo unha teatralización sobre a súa vida e obra por parte de Martín, de 3º de ESO:

Na súa interpretación, Martín comentou como Florencio Delgado tivo que marchar de Galicia a México por mor da Guerra Civil. Os rapaces da ESO quixeron plasmar esa dor da guerra e pedindo a paz, cunha regueifa a coro.

Como todo emigrante, Florencio Delgado , ao chegar a México sentía saudade pola súa terra, de aí que estivera traballando tanto no ámbito da cultura para poder sentila un pouco máis preto. Os rapaces de Educación Primaria interpretaron Morriña de Baiuca, adaptada por Blanca, a profesora de Música.

 

 https://www.youtube.com/watch?v=DFi8q5Q4B_g

 

Case para finalizar, os rapaces de 4º de EP en colaboración cos nenos de EI, leron un poema sobre " Un rato díxolle á Lúa", baseándose no cartel que confeccionaran os raparigos máis pequenos.

 E para rematar non houbo mellor cousa que todos xuntos cantar o noso himno. Con sentimento e poñendo a Lingua galega por bandeira, celebramos un ano máis as nosas Letras.

Mil anos máis para a nosa lingua: O GALEGO!

 

 

ALA FOI O ENTROIDO

 Xa rematou o Entroido, e aínda que non foi totalmente sen restricións, poidemos celebralo á nosa maneira.

Como xa saberedes pola anterior entrada do Mandadiño, este ano quixemos homenaxear aos heroes e heroínas que somos no noso día a día. 

Velaquí unha pequena mostra dos nosos disfraces e , desde aquí queremos dar as grazas á animación do Concello, que nos fixo pasar uns momentos moi divertidos coas súa maxia e bo facer.

Esperando a que pase un ano sen sobresaltos e que o próximo curso gocemos dun Entroido sen limitacións!

CARTAS DE AMOR CON PREPOSICIÓNS (NON PROPOSICIÓNS)

 

 O amor, oh! O amor!Os rapaces e rapazas da ESO estiveron a facer durante este mes de febreiro unhas cartas de amor, pero non eran unhas cartas calquera, pois tiñan que cumprir unha condición: debían de estar feitas coas preposicións galegas por orde alfabética!

Non foi unha tarefa fácil pois, como sabedes, hai todo tipo de preposicións. Hainas de causa,compañía, finalidade,instrumento, lugar, modo, pertenza e tempo. 

Os rapaces debían construír unha carta, con sentido, e utilizando as preposicións axeitadas a cada momento.

Velaquí algúns exemplos:

 

23F- DÍA DE ROSALÍA

 

A partires deste ano, o 23 de febreiro terá unha nova connotación para nós, os galegos. Hai 185 anos que Rosalía de Castro nacía en Santiago.

Como cada ano, por estas datas, todo o colexio prepara a súa homenaxe á poetisa galega, e hoxe, ás 11.30 da mañá, reunímonos todos ao redor da figura da escritora universal.

En primeiro lugar tivemos unha Rosalía do século XXI que lle enviou unha carta a todos os mozos e mozas presentes, invitándoos a non renegar da lingua galega e a non deixala esquecida polos rincóns.

 

 

 

 

 

 

A segunda actividade foi a lectura de poemas versionados, ou inspirados , dos máis fermosos da autora, como "Tembra un neno", que o fixeron os rapaces de 1º ESO e aquí expúxose o de Jimena Costas.

 

 

En 2º de ESO, Lucía Amado e Adara Barro versionaron "Tecín soa a miña tea"

Os rapaces de 3º de ESO inspiráronse en "Negra Sombra " e Martin Tenreiro leu a súa versión:

E por ultimo, nesta primeira parte, os alumnos de 4º ESO reinterpretaron os versos de "Unha vez tiven un cravo", Jana Fuentes e Begoña Álvarez leron as súas creacións:

De seguido, os alumnos de 5º e 6º de EP, contestaron á pregunta : "Nós somos Rosalía porque....."

E houbo moitas contestacións maravillosas, como: "somos poetas,amamos a lingua galega, represéntanos......."

Os rapaces de 4º e 5º de EP fixeron un "Dígocho eu", baseado en poemas de Rosalía, entretiveron e ensinaron ao mesmo tempo.

E xa case para rematar, os nenos de EI e 1º e 2º de EP, cantaron a viva voz e coas carautas de Rosalía, a canción de Uxía "Rosalía Pequeniña".

E para finalizar este acto, aínda quedaba unha última homenxe a Rosalía, degustar o seu "Caldo de gloria" no comedor do colexio.

Desde o Equipo de Dinamización Lingüística damos as grazas a todas as persoas que axudaron a que este acto se desenvolvera da mellor forma posible.