O MANDADIÑO ESTÁ NO COLEXIO

Como todos os anos o Entroido manda no colexio, así que todos collemos as nosas mellores "galas" e facemos caso ao Mandadiño para asistir preparados a clase.

Luvas,  lentes , bufandas, perrucas, gorros....... con estas pintiñas todos empezabamos o día con máis gañas.

O próximo año xa argallaremos máis cousas para que a diversión estea asegurada.

Bo Entroido a  todos!!!

E CO ENTROIDO.......... CHEGA O NOSO MANDADIÑO!

Nenos e nenas, rapaces e rapazas! Xa está un ano máis connosco o Entroido, enchendo de cor, cancións, disfraces e alegrías este frío mes de inverno.
O Mandadiño non podía ser menos e chega da man deste Entroido. Para cumprilo debemos de participar con alegría e ilusión, para iso este curso propoñemos cousas moi sinxelas para vir ao colexio cargados de enerxía e bo humor.

Collede bolígrafo e papel e apuntade:

LUNS: luvas (guantes)

MARTES: bufanda (cantas máis cores teña mellor)

MÉRCORES: lentes ou antiface

XOVES: sombreiro ou perruca , pero se o queredes as dúas cousas


Ánimo  e a participar, riremos xuntos nas aulas e no patio.

OS PREMIOS DO II CONCURSO DE FOTOGRAFÍA DESCRITIVA

Como xa avanzabamos na entrada anterior deste blogue, co gallo de promover a escrita en galego, o equipo de DL convocou o II Concurso de Fotografía Descritiva, este ano o tema eran as árbores de Nadal.
Moitos nen@s participaron de bo grao describíndonos a árbore que adornaba o seu fogar ou outra que lles chamou a atención, coma por exemplo a árbore do aeroporto da Coruña, a da praza maior de Madrid, o munipal de Pontedeume e de Miño.....
 Os premios foron para Noa Gorgullo de 5º de EP, Nerea Rodríguez de 2º ESO e María Varela de 3º ESO, estas dúas últimas rapazas cun empate de votos.
 Parabéns a todos os rapaces que puxeron o seu grao de área pola dinamización da nosa lingua.

Grazas por participar.

II CONCURSO DE FOTOGRAFÍA DESCRITIVA

Co gallo de promover a nosa lingua, o equipo de Dinamización Lingüística convoca o seu II Concurso de Fotografía Descritiva.

BASES DO PREMIO 2017

1. Organiza: Equipo de Dinamización Lingüística do CPR San José de Pontedeume

2. Participantes: todos os alumn@s do colexio a partir de 1º EP

3. Premios: Haberá dous premios , un para a categoría de EP e outro para a ESO.

                Todos os participantes levarán o seu diploma acreditativo.

4. Temática: a árbore de Nadal.

5. As fotografías deberán ser orixinais, non tiradas de ningunha web, ademais  realizada polo propio rapaz, así como a súa descrición que será integramente en galego. De non ser así quedaría excluída do concurso.

6. O prazo de presentación rematará o 14 de decembro

7. O xurado estará composto por todo o profesorado do CPR San José

8.  O luns 18 farase a entrega de premios na Biblioteca á hora do recreo. As fotografías  gañadoras serán a felicitación de Nadal deste Equipo.

9. Formato: a fotografía e a descrición non deberán superar o tamaño A4, e o nome e curso do/da alumn@ irá por detrás.

 

ANIMÁDEVOS A PARTICIPAR!

ADIVIÑA ADIVIÑANZA

Desde hai unhas semanas temos a  nosa árbore chea de adiviñas tradicionais.
Todos os nenos e nenas estades convidados a probar sorte adivinando as respostas, moitos dos vosos compañeiros xa o intentaron.
Mirade as imaxes, pois dan moitas pistas para dar coa solución.
Aquí deixamos unhas imaxes para que vos fagades una idea do que está a acontecer diante da "Nosa Árbore da Lingua".

DINAMIZACIÓN DA LINGUA A TRAVÉS DA CIENCIA

Os alumnos de 4º ESO, con motivo da semana da ciencia , realizaron un proxecto de esta área coa profesora Rocío Gómez, no que a lingua galega foi o idioma vehicular do mesmo.
Con este proxecto , e moitos máis, quérese poñer de manifestó que a Lingua Galega está en todos os ámbitos de estudo e traballo, non soamente ligada as áreas humanísticas.
Para rematar o proxecto fixeron algo tan fermoso como a destreza do diamante no que quedou patente o uso da lingua vencellada á ciencia.

Parabéns!

AS NOSAS PEGADAS 

Estamos inmersos nun proxecto de xenética.

Para comezar, estudaremos un dos caracteres máis famosos: as pegadas dactilais.

Os alumnos, en grupo cooperativo, investigan sobre as pegadas: se nacemos con elas, como se forman, se hai forma de alteralas, por que as utiliza a policía, por que serven como proba xudicial e outras, foron as preguntas e curiosidades que se plantexaron.

E, como son as miñas pegadas? 

Aplicamos o método científico.

Plantexado o problema, procedemos a imprimir as nosas

pegadas nun folio. Cada un analiza a súa pegada e a

identifica cun dos tipos.

Pegadas dos alumnos

Finalmente, facemos un reconto e análise dos resultados.

Dos 18 alumos da clase:

9 presentas pegadas tipo lazo, 3 tipo espiral, 3 tipo arco e 2

complexas. É dicir, que o 50% da clase ten o tipo de

pegadas que resulta co que é máis común.

UNHA SEMANA CHEA DE HISTORIAS NA BIBLIOTECA

Con motivo da semana dedicada ao Samaín, todos os nenos e as nenas do colexio tiveron a oportunidade de gozar duns conta-historias moi particulares: os seus compañeiros de Secundaria. Durante todos os recreos da semana pasada, a Biblioteca do colexio encheuse de historias dos tempos de María Castaña, de contos de meigas, de medo, da Santa Compaña... que foron a ledicia dos máis pequenos e non tan pequenos.

A actividade foi promovida polos equipos da Biblioteca e Dinamización Lingüística, así puidemos escoitar as narracións tanto en galego como en castelán.

Agradecemos a alta participación dos “conta-historias” porque sempre é un pracer observar como o alumnado se implica neste tipo de tarefas a prol da escritura.

Grazas aos autores e tamén aos oíntes.