CELEBRANDO O DÍA DE ROSALÍA DE CASTRO

 

O 23 de febreiro celébrase o Día de Rosalía, é o día do seu aniversario e por iso é que a queremos homenaxear no seu día.

Falar de Rosalía é falar da máis importante escritora galega de todos os tempos, é dicir que foi a primeira literata que nos ensinou que o mundo estaba cheo de inxustizas; o que ela contaba era a súa realidade que non se afasta tanto da de hoxe.

E non hai nada máis humilde que o caldo, comida de pobres e ricos que quenta as almas. Rosalía deixounos a súa receita e por suposto que o fixemos no colexio.

 O acto de hoxe comezou cun manifesto sobre a figura de Rosalía e a pegada que deixou ata os nosos días . Foi Martín, integrante do equipo de Dinamización, quen o leu para todo o público congregado no patio do colexio.

Toda a súa obra poética está chea de música, non hai máis que buscar nas redes e ver a cantidade de músicos que utilizaron as súas verbas para cantar fermosas cancións: Adiós ríos , adiós fontes, Negra sombra, Ninfa das augas frescas..... só son tres títulos, pero Rosalía compuxo moitísimos máis poemas que hoxe están musicados.

Por esta vinculación coa música , este ano celebramos este día  cantando os poemas rosalianos acompañados de música. Velaquí tedes as imaxes do acto:

Educación Infantil interpretou  "Vente rapasa, vente"

1º e 2º Educación Primaria atreveuse con "Campanas de Bastabales"

3º e 4º de Educación Primaria cantou "Adiós ríos , adiós fontes".

5º e 5º de Educación Primaria versionaron "Nascín cando as prantas nacen".

E, por último, dous alumnos da ESO leron "Negra Sombra"

Ata no ano non volvemos a ter día de Rosalía, pero o legado de Rosalía debería vivir en nós por sempre.

Viva a memoria por Rosalía!

POESÍA DE ENTROIDO

 

Neste Entroido que acabamos de rematar, non todo foi festa. O alumnado do colexio tivo que traballar un pouquiño antes de desfrutar das vacacións.

Desta vez tiveron que facer entre toda a clase unha poesía de Entroido. Non foi traballo doado, pois poñernos de acordo leva o seu tempo, ademais, uns querían que rimara, outros que tivera moita metáfora, e os de máis alá que fora moi musical.

Pois aquí vos deixamos o resultado.

 

TODOS DESFRUTARON CO MANDADIÑO

 

Esta semana , os rapaces e rapazas do colexio fixeron caso ao Mandadiño e viñeron , por quendas , coas cousas que lles encargou o noso Entroido particular.

Velaquí algúns grupos que se quixeron facer unha foto so cesu amigo.

 Estamos agardando polo próximo Entroido, a ver que se lle ocorre a este langrán!

O MANDADIÑO 2023

 

- O LUNS para comezar, a CABEZA debes adornar.

- Se o MARTES queres molar, algo no PESCOZO debes levar.

- O MÉRCORES, para voltas dar, a CINTURA podes rodear.

- O XOVES, para o xogo rematar, uns PÉS divertidos deben destacar.

- O VENRES, para o ENTROIDO festexar , poderaste disfrazar.

O NOSO "BELÉN VIVINTE"

Un ano máis, o alumnado de 3º e 4º de ESO recrean o Belén Vivinte que xa é tradicional no noso colexio.

O Belén distribúese por distintos espazos do patio cuberto para posibilitar facer un percorrido por toda a historia natalicia.

Deste xeito, o percorrido comeza coa Anunciación, a casa de Ana e a visita do Anxo a Xosé:

 Continúa coa taberna e distintos postos de mercadeiras como as leiteiras, costureiras, panadeiras.....

Así chegamos ata a pousada, onde non teñen sitio para aloxar a María e a Xosé e acompáñanos ata un pobre pesebre:

Hai un cambio de protagonistas e adentrámonos no castelo de Herodes e a súa Corte:

Despois do castelo imos atopámonos cos pastores que están a velar o seu gando cando se lles aparecen dous anxos coa nova de que o Neno nacera en Belén:

Cando todas as xentes  do pobo se enteraron de que  o Neno Xesús nacera, foron cara o pesebre para adorar ao Neno Deus e ofrecérlle agasallos.

O alumnado de todo o colexio puido desfrutar da actuación destes rapaces por quendas ao longo da mañá do día 21 de decembro. Asemade estivo aberto para aquelas familias e amigos que quixeran desfrutar do espectáculo.

Esperemos que o próximo ano poidamos contar unha vez máis con esta actividade que gusta tanto a pequenos coma a maiores.

 

 

 

 

 

 

 

CONCURSO " O OUTONO DAS PERSOAS"

 

Por estas datas, antes de que comece o inverno, desde Dinamización Lingüística proponse un concurso sobre o outono. Este ano foi un pouco diferente, pois, aínda que as paisaxes deste tempo son marabillosas, quixemos outorgarlle o protagonismo ás persoas.

O noso concurso chamouse "O outono das persoas" e quixemos renderlles unha homenaxe a todas esas persoas que traballaban, divertíanse , xogaban e facían un montón de actividades máis antes dos anos 80.

Pois esa era a premisa , coller unha foto realizada antes dos anos oitenta e describila. Ao principio os rapaces non entendían moi ben a tarefa, pois crían que nas súas casas non había este tipo de fotografías. Fíxoselles entender que só tiñas que preguntar, pois nas casas dos avós e maiores, as fotos son un fío que une lembranzas.

Vexamos uns poucos exemplos:

Labores do campo e redeiros en Pontedeume.

 

Fábrica de chocolate, albaneis, mata do porco e recollida de herba .

Lembranzas

Xogos

 

 

Esta é só unha pequena mostra.

Chegou o momento de votar e foron os profesores do Centro  os que elixiron gañadores. Velaquí os temos:

Falta na imaxe unha rapaza de 6º de EP, Sheila P, que non puido asistir por enfermidade.

Carolina Quintela de 6º EP e a súa foto dos Caneiros.

 

Marcos Rodríguez de 1º ESO coa imaxe da mata do porco en Arzúa.

Aroa Gómez e a súa fotografía de traballos no campo co carro e as vacas.

Grazas a todos os rapaces e rapazas que participaron neste concurso. Foi moi difícil elixir gañadores xa que había traballos moi bos.