PREMIO "RELATO CURTO"

Nun marco fermosisímo, Os Escolapios de Monforte, tivo lugar onte a entrega de premios do 11º Concurso Novos Talentos- Premios Relato Curto, e unha das nosas alumnas de 2º ESO obtivo un terceiro premio que nos soubo moi ben.

Corría o mes de marzo cando os rapaces de 2º de ESO de toda Galicia eran convocados para concursar na 11ª edición dos Novos Talentos de Relato Curto patrocinado por Coca-cola. De entre máis de 600 aspirantes, 21 rapaces das diferentes provincias foron chamados para ser galardoados e de entre eles , un só sería o gañador autonómico.

A nosa alumna S.R.B quedou terceira da provincia da Coruña, un posto que nos soubo a triunfo , xa que a ilusión e o orgullo xa non llo pode arrebatar ninguén.

O acto comezou ás catro e media da tarde cunha visita guiada ao "Escorial galego", foi o cardenal Castro quen ordenou a súa construcción entre finais do século XVI e o principio do XVII. Ten un impoñente estilo "herreriano" na fachada. Os primeiros en rexentalo non foron os Escolapios senón os Xesuítas pero foron expulsados no século XVIII e a propiedade recaeu na Casa de Alba. Tamén nos chamou moito a atención a súa pinacoteca con obras de Goya e unha copia dun cuadro do pintor flamenco Hugo van der Goes, a peza orixinal tamén estaba alí, pero foi vendida para sufragar as obras de reforma no edificio despois do gran terremoto de Lisboa.

Despois da visita , tivo lugar a entrega de premios, no claustro do colexio. Varias personalidades da cultura e da política galega estiveron presentes no acto.

Coca-cola otorgou  premios a todos os rapaces con agasallos de actualidade: gafas de realidade virtual, patíns eléctricos, cámaras de fotos intantáneas.... pero o primeiro premio foi unha viaxe a Escocia! Desde aquí dámoslle a noraboa á rapaza gañadora, desexando que algún día recaia nun alumno do noso centro.

Para finalizar a xornada, os patrocinadores agasalláronnos cunha degustación de produtos galegos.
Foi un día inolvidable para a nosa gañadora. Parabéns!

LETRAS GALEGAS 2019

O 17 de cada mes de maio celébrase o día grande das Letras Galegas, este ano está dedicado a Antón Fraguas, destacado historiador,etnófrafo, antropólogo e xeólogo, pero sobre todo un home dedicado a Galicia e á Lingua Galega.
No noso colexio celebramos esta festa o pasado martes. Houbo tres partes ben diferenciadas.

A primeira parte tivo lugar no salón de actos, alí comezamos coñecendo un pouco máis ao noso homenaxeado: Antón Fraguas. Os rapaces de Secundaria foron os encargados de teatralizar a súa vida.

 

Logo , os rapaces de 4º de EP interpretaron con moita gracia "A horta de Balbina", cantiga popular que o propio Antón Fraguas se encargou de recompilar.

 

Seguimos cun teatro de sombras ao que lle deron vida os alumnos de 6º de EP, poñendo voz á "Voda da pulga e o piollo".

A partir de aquí foi o tempo dedicado á música, nesta ocasión foron as rapazas de 4º de ESO as que interpretaron un bonito e emotivo tema : "Heroes sen nome" de Lucía Pérez.

Como en  toda festa reivindicativa, e aquí loitamos polo Galego, lese un manifesto. Nerea e Sofía encargáronse de porlle voz a un precioso poema de Manuel  María, " A fala" no que se proclama a liberdade de utilizar a lingua galega.

E chegou o final do acto, pero o máis emotivo, pois todo o colexio en pé interpretou desde o corazón o noso "Himno Galego"

Pero non rematou así a festa!. Na segunda parte desta celebración todos baixamos ao patio para divertirnos e gozar cunha serie de xogos tradicionais, os rapaces de ESO eran os mestres que acompañaban e ensinaban aos máis pequenos nestes xogos.

Poidémonos fotografar diante dun mural adicado ao mundo da Literatura Galega:

 

Os nenos de Infantil tiveron uns contacontos moi especiais, os rapaces de 2º ESO estiveron a contarlles uns contos elaborados por eles nun proxecto de aula:

 

 

E para rematar nada mellor que un exquisito xantar en boa compaña. Este ano quixemos que a festa das Letras Galegas fora unha verdadeira romería con música, xogos, comida e boas persoas para compartir.

 

E bailando e cantando todos xuntos rematamos esta festa, a festa das Letras Galegas, un día para celebrar que temos xente que loitou sempre para que hoxe poidamos falar o galego con toda liberdade.

O LIBRO

No mes de abril , o día 23, celébrase o día do Libro, desde DL pedimos que os nosos rapaces fixesen acrósticos con esa palabra, pero sobre todo que intentasen transmitir realmente o que é para eles un libro.

Así foi como, facendo un acróstico por aula, todos xuntos crearon preciosas poesías facendo do "libro" o gran protagonista.

Aquí lles deixamos algún deles, se queren ver máis só teñen que achegarse a "Arbore da lingua" situada na entrada do patio.

A PALABRA MÁIS FERMOSA É ....................."MORRIÑA"!!

Durante este mes de marzo e ata onte, día 25, una urna estivo a disposición de toda a comunidade educativa para decidir cal era a palabra máis fermosa de todo o noso idioma.

Pois a democracia mandou, e, entre moitas verbas, a máis votada foi MORRIÑA, seguida de preto por outra palabra fermosa, APERTA, e curiosamente as terceiras clasificadas por empate foron dúas palabras moi dispares: FILLOAS e BOLBORETA.

Dúas mans inocentes de alumnas de 3º de ESO recontaron os votos mentres que outros compañeiros escribían as diferentes palabras na pizarra.

Dende o equipo de Dinamización damos as grazas a todas as persoas que fixeron posible esta actividade coa súa participación.

E para rematar vemos como 2º de EP participan na votación:

11ª edición NOVOS TALENTOS PREMIO RELATO CURTO

Hoxe ás 11 da mañá, na Facultade de Filoloxía de A Coruña, tivo lugar a 11ª edición dos premios de Relato Curto patrocinado por Coca-Cola.

Atá alí foron as nosas alumnas de 2º de ESO Clara Zapatero e Sabela R. O acto foi presentado pola Decana da Facultade, dona Mª Jesús Lorenzo, no seu discurso animou ao alumnado presente a seguir escribindo, pois abre as mentes e os corazóns.
 De seguido presentouse o tema deste ano:durante dúas horas e media debían relatar una historia que levara catro das seis palabras seguintes: Saudade, Solpor, Beizos, Fervenza, Mergullar, Acariñar.

As palabras viñan dentro dunha mini botella do famoso refresco, botella feita con materiais reciclables e o papel que contiña estaba feito dun material especial para que non se borraran as letras.

 

Mentres os rapaces estaban concentrados realizando o relato, os profesores acompañantes tivemos o grande pracer de asistir a un taller onde se mesturaron partes lúdicas e pedagóxicas do teatro, dirixido pola profesora e actriz Estíbaliz Veiga.

Unha vez rematado o tempo da escrita, os rapaces puideron degustar un rico aperitivo ofrecido pola marca de refrescos.

A MULLER QUE ADMIRO

Os equipos de Dinamización Lingüística e Biblioteca decidimos este ano conmemorar o 8 de marzo organizando unha gran exposición das mulleres que son referentes das nosas vidas.  Todos os alumnos colaboraron cunha fotografía e un sinxelo texto nesta mostra que se pode ver estes días no patio. Sirva como homenaxe e recoñecemento a todas elas este manifesto que leron os alumnos no acto do patio ese mesmo día:

Ogallá non tiveramos que recordar nada este día, ogallá non houbera pancartas nin berros nas rúas, ogallá non houbera desprezo, discriminación ou violencia por cuestión de xénero.  Ogallá non houbera 8 de marzo porque iso significaría que homes e mulleres somos iguais, nunca mellores, I-GUAIS. Pero a realidade é que as mulleres de todo o mundo seguen en loita contra os patróns machistas no traballo, na rúa e na casa.

Este ano, hoxe, decidimos mirar ao noso carón. Esta exposición que vedes no patio é a nosa homenaxe ás mulleres das nosas vidas. Non saen nas portadas nin lles dan titulares pero se merecen o mellor dos premios.

Dedicámosllo a:

-Ás nosas nais:

As veces esquecémonos de que no son só nais. Si, preocúpanse por nós e dannos todo o mellor. Pero tamén son mulleres, mulleres que pelexan día a día por realizarse profesionalmente, independentes, que cobran menos e traballan máis, cuxa dignidade está por enriba de todo.

-Ás nosas avoas e bisavoas que o tiveron máis difícil, que estiveron á sombra e foron invisibles, que atoparon barreiras e portas pechadas, que non puideron protestar. Sempre valentes abríronnos o camiño.

-Ás nosas compañeiras, que buscan un mundo máis aberto, máis tolerante, cheo de oportunidades no que se desterre o insulto, no que se venzan os medos, no que ninguén che faga sentir inferior.

-Ás nosas tías, adestradoras, profesoras, amigas, a todas esas mulleres que nos inspiran.

-Ás nosas alumnas e alumnos porque a desigualdade é inaceptable, porque a educación, a boa educación é a base desta revolución. Porque estamos convencidos de que a igualdade se conseguirá dende as aulas.

Esa será a nosa misión.

E a túa.

E MARCHOU O MANDADIÑO DEIXÁNDONOS LEDICIA E FESTA

Un ano máis o Entroido chegou ao seu fin, pero coma sempre deixando un bo sabor de boca, e non o dicimos polas orellas e freixós destes días...eh!

Durante toda a semana pasada, os rapaces do colexio cumpriron o mandato do Mandadiño e viñeron ataviados como estaba prescripto: un día algo na cabeza, outro no pescozo, nos ollos e unas fermosas pecas para finalizar.

Fixéronse moitas fotos e aquí vai una pequeña mostra delas.

Xa estamos agardando con curiosidade polo Mandadiño do ano que vén!