CANTIGAS MEDIEVAIS

Os alumnos de 3º de ESO , no primeiro trimestre do curso, aproximáronse á Literatura Medieval de man das desmosísimas Cantigas en todos os seus estilos.

Como os alumnos son moi creativos, escribiron as súas propias cantigas e tamén as representaron para toda a clase. Aquí deixamos algúns exemplos, esperamos que vos gusten

AS CELEBRACIÓNS DE OUTONO

Estamos encantados coa chegada do outono. Nesta época Galicia está chea de celebracións, por unha parte temos a nosa tan tradicional "mata do porco" no San Martiño, por outra banda o Samaín, que enche de cabazas o noso colexio, e para culminalo todo cunha grande festa: O MAGOSTO, onde novos e menos novos disfrutamos das castañas e dos xogos que derivan delas. Para mostra estas imaxes....

AS LETRAS GALEGAS 2012

Este ano celebramos as Letras Galegas ao grande. Durante toda a semana fixemos un montón de cousas que nos resultaron moi amenas e divertidas.
Primeiro, os nenos de 3º e 4º de ESO fixeron de Contacontos e pasaron polas diferentes clases narrando historias fantásticas. Logo, no recreo, disfrutamos dos xogos tradicionais cos que aprendemos como xogaban  os nosos pais ou mesmo os nosos avós.
Outro día, como é habitual nestas datas, subimos ao Olmo, para poder participar en todos os talleres etnográficos. Estamos moi contentos polos premios recibidos no "1º Concurso de debuxo e redacción" promovido por esta entidade.
O día grande da celebración foi o venres 18 no salón de actos do colexio: coñecemos a figura de Valentín Paz Andrade de man de Xurxo e Carlos, os rapaces maiores cantaron un rap "Galicia Calidade", a nosa compañeira Iria de 1º de ESO, leu un poema; Miriam cantou unha fermosa canción baseada nun poema de Rosalía de Castro”Ninfa das augas frescas”, Paula e dúas compañeiras máis leron un manifesto a prol da Lingua Galega, e para finalizar a nosa música, primeiro a interpretación do himno galego acompañada polo gaiteiro Adrián e para rematar , os rapaces de 3º e 4º de Primaria cantaron “Quen puidera namorala”.

Neste acto tamén, visionamos o libdup que fixemos todo o colexio en conmemoración das Letras Galegas, baseándonos na canción de "Los Limones", Achega.
Foron unha xornadas salpicadas de actividades coas que nos divertimos aprendendo o importante que é a Nosa Lingua.

OS CÓMICS DO MAGOSTO

Os alumnos de 4º de ESO están a traballar o cómic como forma de expresión. O primeiro é algo sinxelo, pero irá mellorando pouco a pouco. A presentación seguinte versa sobre o "Magosto".

"AS NOSAS LETRAS"

Como todos os anos por estas datas, o alumnado dos colexios do concello de Pontedeume, disfrutaron dunha xornada de aprendizaxe e lecer coa Asociación Olmo, que todos os anos ten a ben convidarnos.
O alumnado participou nos distintos obradoiros (oleiros, ferreiros, tecelás…) coñecendo variados oficios e xogos populares tan esquecidos últimamente.
Coma sempre, fomos obsequiados cun aperitivo que tras a caminata veunos moi ben.
Desde aquí queremos agradecer á Asociación Olmo o seu traballo a prol das Letras e a Cultura Galegas, así como o moito que nos fai disfrutar con esta celebración.

Así quedou a nosa árbore das palabras:

Para rematar, coincidindo co aniversario do grupo folclórico "Orballo", presentouse unha mostra do traxe típico da comarca mariñana

CINENSINO

O 5 de abril o alumnado de 4º, 5º e 6º de E.P asistiu á terceira e última película do curso 2010-2011, dentro do Programa de Prevención.
A película "Fantástico Mr. Fox" pertence ao módulo "Respecto pola natureza", resultou moi entretida e serviu para que os nenos aprendan a respectar a natureza como unha cuestión de supervivencia e reflexionar sobre o noso estilo de vida.
Doc1

VII FESTA DA LINGUA- PREMIO FREI MARTIÑO SARMIENTO

O día 1 de abril e con motivo da celebración da Festa da Lingua, o segundo ciclo de E.P. desprazouse a Santiago para disfrutar dunha xornada literario-lúdica que resultou moi pracenteira.
Todos poidemos disfrutar da presenza dos autores dos libros seleccionados para a lectura nas diferentes clases.
A mañá adicouse á parte literaria (coloquio, entrega de premios...) e a tarde foi unha xornada festiva e de disfrute dos xogos e inchables.