Hoxe é 17 de maio de 2020, un día de festa grande para os que amamos a nosa lingua. Se fora un 17 de maio de calquera outro ano, pois un día antes ou un día despois celebraríamolo no salon de actos do noso colexio, con música, con literatura, con teatro .....e finalizaríamos cantando o noso himno todos erguidos e a pleno pulmón.
Pero, estamos en 2020 e unha pandemia atacou o mundo que coñecemos, pero o que non vai é acabar nin con nós nin coas gañas de festexar as nosas letras, que tiveron que loitar moito por elas persoeiros como Rosalía, Curros, Pondal, Cunqueiro, Castelao, Ferrin e Ricardo Carvalho Calero, escritor a quen se dedica este ano as Letras, pero a súa celebración queda adiada para o 31 de outubro.
Imos empezar a nosa celebración cunha homenaxe aos escritores a quen se lles dedicou tal día coma o de hoxe. Non están todos pero esperemos que vos gusten a nosa escolma.
Seguimos agora cunha peza de teatro titulada "Razóns para querela". É moi especial, porque hai que ter en conta que foi creada expreso para esta circunstancia, que a familia que a fixo posible (os Tenreiro Vila) traballou con todo o seu ben facer e cariño.
Aquí están as razóns que temos algúns para amar a Lingua Galega.
Outra homenaxe que lle facemos á nosa Lingua é de parte de toda a nosa comunidade educativa, desde os raparigos máis pequenos ata os maiores que quixeron aportar o que é o Galego para eles. Con palabras e sentimentos presentámosvos a última das nosas escolmas:
Desde o equipo de Dinamización Lingüística queremos agradecer a todas as persoas que se puxeron á nosa dispoción para facer este traballo.
Lembrade que a LINGUA GALEGA é o que nos identifica como galegos, non deixedes que morra!
MIL PRIMAVEIRA MÁIS PARA A NOSA LINGUA!!!
No hay comentarios:
Publicar un comentario