A REGUEIFA DA AULA DE 1º

Como se dixo no blogue de 1º de ESO , acabamos de rematar o proxecto sobre a poesía, pero o noso produto final era realizar unha Regueifa, sabedes o que é?

A Regueifa é un desafío oral improvisado en verso.

Polo seu carácter basicamente oral a súa orixe pérdese na noite dos tempos.

Pero segundo parece era tradición que antes do banquete de voda, a parella puxera a disposición dos que non foran invitados un bolo de pan chamado “Regueifa”, pois a maneira de ver quen era a persoa á que lle cabía o honor de repartilo entre os presentes era retarse dialecticamente entre eles, en verso, meténdose uns con outros, cos contraentes ou cos familiares de estes, para ver quen facía gala do maior enxeño e mordacidade.

Nós non metemos con ninguén, só queremos facerlle unha homenaxe á nosa lingua e como nos gustou a estrutura, e a rima (versos octosílabos con rima nos pares) creamos entre todos esta regueifa que esperamos que vos guste tanto coma a nós.

LETRA DA REGUEIFA (por se a queredes cantar )

1.-Esta é a nosa clase                                                                 5.-E nos Séculos escuros

é a clase de primeiro                                                                      querían falar galego

sempre estamos moi contentos                                                   pero non os deixaban

tendo lingua de primeiro                                                               remataban no talego

2.-Vivimos en Pontedeume                                                       6.-Chegou o Rexurdimento

         unha vila mariñeira                                                              Curros, Pondal e Rosalía

que cantamos en galego                                                                loitaron polo galego

    e bailamos a muiñeira                                                                  escribindo noite e día

3.-O galego é a nosa lingua                                                       7.-A lingua tívoo difícil

unha lingua moi fermosa                                                               emigrando sempre estaba

que ata Rosalía canta                                                                      dun día para outro

que cousa marabillosa!                                                                  Na rúa, non se escoitaba

 

4.-E na etapa medieval                                                                 8.-A lingua tívoo difícil

Todos falaban galego                                                                        os guais querían castelán

       E escribían cantigas                                                                    non nos quedamos sentados

Porque estaban no medievo                                                            e conseguímola restaurar

9.-A lingua tívoo dificil

Xa que foi moi perseguida

Pero os nosos heroes

Devolvéronlle a vida

XXVII CONCURSO DE CONTOS VILA DE PONTEDEUME

O concello de Pontedeume convoca un concurso de contos en lingua galega dirixido a todos os estudantes de Segundo Ciclo de ESO, Bacharelato e Ciclos de Formación de Grao Medio ou Superior.

Dende o Equipo de Dinamización Lingüística facemos un chamamento á participación, pois é una orixinal idea de sacar partido ás vosas dotes literarias.

Animádevos!

PARTICIPACIÓN NO CONCURSO DE RELATO CURTO DE COCA-COLA

Onte tivo lugar na Facultade de Filoloxía de A Coruña, a IX edición de "Novos Talentos ,Premio Relato Curto" promovido pola Coca-Cola.
Neste premio participan todos os centros de Galicia e vai dirixida ao segundo curso da ESO.

Como vimos facendo desde hai varias edicións, representantes do noso Colexio estiverón alí para participar. Neste caso foron Pilar Fernández e María Varela as alummnas escollidas, ambas alumnas de 2º ESO .

Chegaron nerviosas e decididas a sacar adiante o motivo que lles propuxeron este ano, debían escribir un relato sobre a seguinte frase : "Non vemos o que vemos, vemos o que somos", a frase estaba acompañada de diferentes fotos de paisaxes de Galicia.
Tiñas dúas horas para poner en marcha a súa imaxinación e dotes para a escritura.
Para nós , xa son as nosas gañadoras.

Mil grazas por participar.

PARA QUE TODOS OS DÍAS SEXAN 8 DE MARZO

Ao  longo de toda esta semana celebrouse con diferentes actividades “ O Día da Muller”.

O primeiro paso foi a dar a coñecer aos rapaces o porque desta celebración e nunha data tan específica como é o 8 de marzo.

Documento co que se traballou

 Os alumnos de 3º e 4º de EP traballaron xuntos este tema e fixeron unha fermosa exposición sobre grandes mulleres ao longo da historia que lles chamaron moito a atención polo realizado ao longo das súas vidas.

Podedes visitar o mural no espazo da "nosa árbore". Aquí vos queda as testemuñas  do seu traballo:

 

En Secundaria traballaron este aspecto de forma diferente:

En 1º ESO elaboraron unha poesía en forma de diamante dedicada á MULLER:

 

En 2º ESO, todos e cada un deles redactaron un escrito imaxinando o que sería a cuestión da Muller en dez anos.

María escribía o seguinte:

Dentro de dez anos a muller será máis libre. Poderá aspirar a ter os mesmos dereitos cos homes. Ao longo do tempo a súa posición social foi mellorando, pero aínda non é de todo igual e nótase un certo punto machista na sociedade. En dez anos, isto cambiará, a muller será libre, terá dereito a opinar en todos os países, todos, homes e mulleres, cobrarán o mesmo polo mesmo traballo e serán valoradas.

Hai homes que pensan que as mulleres son inferiores, incultas e que non son capaces de razoar e opinar sobre temas importantes, e isto non é así. Pode que moitas persoas e xente que conseguiu algo grande no pasado foran homes, pero, cantas cousas temos grazas ás mulleres?

Débese valorar o seu traballo e esforzó, e recompensalo sen pensar que se trata dunha muller, senón que é una persoa que logra alcanzar os seus obxectivos. O salio actual das mulleres e igual ca dos homes nalguns casos pero noutros moitos non.

Non en todos os campos hai igualdade, adoita a haber mulleres que se dedique á política? Case todos son homes, e se nos fixamos no noso país, todos os Presidentes son e foron homes.

A liberdade de expresión e de vestimenta dentro de dez anos será posible. Unha muller non será xulgada pola súa roupa , será libre de ir vestida como queira, mesmo en países que agora van totalmente cubertas.

Gustaríame que só faltase dez anos para que se cumpra todo o que digo, pero ata que chegue ese día: Defendamos que todos os días sexan 8 de marzo.

Terceiro e cuarto da ESO utilizaron a imaxinación para tratar o tema, despois de investigar os estereotipos que había na rede sobre o home e a muller. Vexámolos:

HOMES                                                                                                           MULLERES

estabilidade emocional                                                                        inestabilidade emocional

mecanismos de autocontrol                                                                falta de control

dinamismo                                                                                              pasividade

agresividade                                                                                           tenrura

tendencia ao dominio                                                                           submisión

afirmación do "eu"                                                                                dependencia

cualidades e aptitudes intelectuais                                                    pouco desenvolvemento intelectual

aspecto afectivo pouco definido                                                         aspecto moi marcado

aptitude para as ciencias                                                                      intuición

racionalidade                                                                                          irracionalidade

franqueza                                                                                                frivolidade

valentía                                                                                                    medo

eficiencia                                                                                                 incoherencia

amor ao risco                                                                                          debilidade

obxectividade                                                                                         subxectividade

Entón o que fixeron os rapaces foi rachar con estes prexuizos . As cualidades atribuídas aos homes foron representadas polas alumnas e as cualidades das mulleres foron interpretadas polos nenos.

VALENTÍA

ESTABILIDADE

AUTOCONTROL

DINAMISMO

AGRESIVIDADE

APTITUDES INTELECTUAIS

ASPECTO AFECTIVO POUCO DEFINIDO

APTITUDE PARA AS CIENCIAS

RACIONALIDADE

INESTABILIDADE EMOCIONAL

FALTA DE CONTROL

INCOHERENCIA

DEBILIDADE

AGRESIVIDADE

VÁLIDO PARA AS CIENCIAS

DOMINIOvsSUBMISIÓN

MEDO

DEBILIDADE