jueves, 15 de diciembre de 2016

BO NADAL!

Dende o Equipo de Dinamización Lingüística desexamos un Bo Nadal a todos os que formamos este Colexio, persoal docente, non docente, directivos, nen@s, pais e nais.
Vivide o Nadal, vivide o GALEGO!!!




Hai un vento cheo de frío
apousado nos camiños.
E no ar un asubío
todo cheo de aloumiños.
pero un vento milagreiro
nascerá pol-o Nadal.
Brilará coma un luceiro
pra alomear o portal.
Xa nas ponlas dun carballo
nasceu un vento ventiño;
ten doces versos de orballo
e azas de paxariño.
Ten azas de paxariño
e craridades de día,
que llas deu Jesús Neniño
e Santa Virxe María.
Manuel María
Lugo, Nadal, 1951

miércoles, 30 de noviembre de 2016

ENTREGA DE PREMIOS DO "1º CONCURSO DE FOTOGRAFÍA DESCRITIVA"

Como xa anunciamos nunha entrada anterior, hoxe tivo lugar a entrega dos premios do concurso de fotografía descritiva.

O lugar escollido para o evento foi a biblioteca e áta alí se achegaron todos os participantes con desexos de saber quen levara premio.

A sorpresa foi que todos foron premiados, xa que a calidade das súas descricións e fotografías era moi alta, pero , recontados os votos houbo un gañador (neste caso gañadoras) por etapa.

En E. P o primeiro premio foi levado por Inés Rodríguez e en Secundaria pola alumna Nerea Rodríguez.

Aquí vos deixamos una mostra do que foi a entrega de premios.
Parabéns a tod@s  os participantes por facer da Lingua Galega un vehículo de unión entre a literatura e a fotografía.
Mil grazas por participar.







jueves, 24 de noviembre de 2016

XA ESTÁ AQUÍ O " 1º CONCURSO DE FOTOGRAFÍA DESCRITIVA DE OUTONO!"

Dende hoxe están expostas as fotografías descritivas do outono no taboleiro de Dinamización Lingüista.
Este é o primeiro concurso que se fai desta índole e de seguro que o repetiremos despois de ver as fermosas estampas que os rapaces e rapazas describen tan agarimosamente.
O xurado vaino ter moi difícil, pois a escolla non será fácil.
Todos os concursantes, e quen queira apoialos,  terán unha cita para a entrega de premios o vindeiro día 30, á hora do recreo , na Biblioteca do primeiro andar.

Agora invítovos a ver una mostra da exposición:




domingo, 13 de noviembre de 2016

....E os peóns bailaron polo San Martiño

O pasado venres día 11, á hora do recreo, houbo unha festa no patio, e quen bailaba? Pois os peóns, grazas á habilidades dos nenos e nenas que con moita destreza os impulsaban e facían que as súas reviravoltas foran seguidas por olliños inquedos.
Os maiores aprendían aos pequenos, e os novos tempos tamén tiveron cabida nesta festa tradicional xa que os meniños de E.I trouxeron peóns lanzados por un pequeño artefacto, tamén os había "mecánicos", pero os máis demandados eran os que pasan de xeración en xeración, os de madeira cun cordel.
Graciñas a todos por participar.
 

En pleno xogo

Zeltia dáballe moito xeito
 
Inés tiña un peón imantado

O refrán presidia o patio


Nerea fixo que o peón bailara na súa man

Os maiores aprendían aos pequenos

Os pequeniños inicíabanse neste baile
Todo o mundo estaba animado!
Isto é estilazo!
Mirade como baila!
Hai cola para poder participar

Menudo artefacto lanza peóns!


 

jueves, 10 de noviembre de 2016

POLO SAN MARTIÑO, PEÓNS AO CAMIÑO

O refraneiro recórdanos que polo San Martiño (11 novembro), peóns ao camiño; polo Santo André (30 novembro), trompos outra vez; polo San Amaro (15 xaneiro), peóns ao tellado; polo Santo Antón (17 xaneiro), peóns ao caixón; pola Santa Olalla (12 febreiro), peóns á borralla; e polas Pascuas, trompos ás ascuas…

Moitos dos xogos tradicionais galegos son xogos estacionais, é dicir, xóganse nunha determinada época do ano e non noutra. Pero se algún deles ten o momento do seu protagonismo ao longo do ano perfectamente marcado, ese é o peón. 

Deste xeito, convidámosvos a bailar os peóns ou buxainas este venres á hora do recreo xa que comezamos có ditado do refraneiro: polo San Martiño......., así que o patio será o escenario perfecto para seguir coas tradicións galegas que continuarán grazas a vós.

Imos participar! Ánimo!



 

jueves, 3 de noviembre de 2016

1º CONCURSO DE FOTOGRAFÍA DESCRITIVA DE OUTONO

Ola a todos,
como estamos rodeados un fermosísimo outono, os membros do equipo de Dinamización Lingüística pensamos en realizar un concurso de fotografía no que describades en poucas palabras a imaxe elixida, o tema é o outono.
Aquí vos deixamos as bases do concurso , esperando que aparticipación sexa altísima!

BASES 
1.     Presentación dunha fotografía relativa ao outono aportando unha pequena descrición. (tamaño 15x20). A fotografía pegarase a a un folio A4, con título e a descrición. 
2.    Entregarase co nome e curso por detrás á titor@ 
3.    O prazo de entrega comprende desde o 07 de novembro ata o 23 de dito mes.(Ámbolos dous incluídos) 
4.    Só se acepta un traballo por persoa. 
5.    Valorarase a orixinalidade da fotografía e do texto. 
6.    Os premios serán entregados o 30 de novembro na Biblioteca á hora do recreo. 
7.    O xurado estará composto polos membros de Dinamización Lingüística. 
8.    Importante: non se admitirán fotografías tiradas de Internet. 
9.    Os traballos noutra lingua que non sexa a galega quedarán fora do concurso.

viernes, 28 de octubre de 2016

O TEMPO DAS CABAZAS E DAS CASTAÑAS

Un ano máis chega o outono á nosa escola, e como o celebramos? Pois por todo o alto!
Decoramos os corredores e as portas das clases, facemos verdadeiras obras de arte coas cabazas e sobre todo celebramos o Magosto.
Foron semanas de traballo duro pero moi atractivo, mentres os máis pequenos decoraban cabazas e ambientaban o cole, os maiores investigaban sobre a orixe do Samaín, verdadeira festa celta, e facían un power point onde o explicarían a todo o mundo.
Pero nunha boa festa non pode faltar a comida, os xogos e a música.
A nosa comida máis tradicional nestas datas son as castañas e sobre todo, as castañas asadas nun fermoso magosto.
O magosto estivo amenizado por multitude de xogos tradicionais como a "castaña malabarista","a castaña voadora","colares de castañas", "bailando entre cabezas"..... e moitos máis.
A música foi a protagonista de moitos xogos como o de "culleres con castañas" ou "bailanado con cabazas".
Foi unha mañá chea de emocións, xogos e sobre todo diversión.

viernes, 13 de mayo de 2016

DÍA DAS LETRAS GALEGAS......QUE SEXA TODO O ANO!

Un ano máis vimos de celebrar a grande festa das nosas letras. Este ano, é Manuel María o escritor que coñecimos un pouco máis grazas as actividades levadas a cabo durante estes días nas aulas.
Pero hoxe tivemos a oportunidade de celebrar esta conmemoración todos xuntos en dous momentos diferentes.
O primeiro foi cando  acudimos ao salón de actos para coñecer en persoa a Manuel María (Jorge Castro) que nos namorou cos seus versos ao mesmo tempo que se presentaba.
Logo veu a peza de teatro "Berenguela, aventuras e desventuras dunha espiña de toxo" coa que gozamos enormemente grazas a actuación dos nosos actores favoritos: Cris, Lara, Jorge, Pedro, Diego e Ricardo.
Despois toucoulle ser protagonista á música, versos de Manuel María postos en boca dos alumnos de 3º de E.I coa peza "A vaca", e o fermosísimo  "Poema para namorar una rosa" interpretado por una bonita amalgama de profesores e alumnos de todos os niveis.
Rematouse o acto coa interpretación do Himno Galego, foi un momento moi emocionante e intenso no que todo o público , posto en pé, cantou co corazón.

O segundo momento da celebración tivo lugar no patio do colexio. Hoxe tivemos unas Letras pasadas por auga, pero isto non impediu que gozáramos de todos os xogos populares que tiñamos repartidos por todos os currunchos dos patios cubertos.
Os nenos, e non tan nenos, xogaron aos bolos, zancos, pita cega, culleres con pelotiñas, fixeron tatuaxes con versos do poeta homenaxeado, correron, saltaron e sobre todo ....compartiron risos e lingua.
Lingua de nós, lingua de todos. E como diría Manuel María:
Se perdemos a fala
non seremos ninguén!!!
Desde o equipo de Dinamización Lingüística damos as grazas a tod@s os compañeir@s que nos axudaron para que a xornada de hoxe resultara tan hermosa.

Aquí deixámosvos o video do acto da celebración e unhas fotos.



sábado, 12 de marzo de 2016

PARTICIPACIÓN NO PREMIO DE RELATO CURTO DE COCA-COLA

Dous alumnos de 2º de ESO, Greta Rey e Anxo Rodríguez, participaron onte na 8ª edición do concurso de novos talentos no premio de relato curto que promove Coca-Cola, e que se celebrou onte na Escola de Maxisterio en A Coruña.
O único estímulo que recibiron os novísimos escritores foi a frase :" Aquela sombra desconcertáballe" .
Dispuxeron de dúas horas para redactaren os seus traballos, e tiñan una limitación: non exceder o espazo que tiñan (só dúas follas coas súas caras habilitadas).

Só pode haber un gañador, (que mágoa!) e o premio será a participación nun campus literario e una viaxe a Londres.
Greta e Anxo antes de entrar no Salón de actos de Maxisterio
 
Despois de rematar foron agasallados cunha merendola
Ánimo e moita sorte!!

 

jueves, 4 de febrero de 2016

ESPERANDO O ENTROIDO

Xa chega o Entroido, e para recibilo , os rapaces do colexio traballaron moitísimo na decoración do patio.
Realizaron muráis, carautas marabillosas que esperan por vós no patio cuberto, será alí, nese marco festivo, onde todos gocemos das sobremesas típicas deste tempo.

Viva o Entroido, viva a Festa!!