Esta vai ser unha nova moi especial.
Durante o curso 2019-2020 os pequenos que cursaron 2º de EP puxéronlle voz a "O gato lambón".
Ten moitísimo mérito xa que foi feito durante o confinamento. A súa profesora, Mónica Díaz, non quería que os raparigos perderan o hábito de facer algo todos xuntos, como facían nas aulas. Repartiu o texto entre os nenos , gravaron as súas voces e a mestra editou este precioso vídeo.
Aquí está o resultado, a desfrutar!
Estamos en pleno outono, e xa que non podemos facer grande cousa todos xuntos, podemos xogar.
Aquí está un rosco con vocabulario do outono.
Atrevédesvos a facelo? É moi sinxelo.
Debedes premer no enlace que está abaixo, levaravos a unha páxina de Educaplay, so debedes xogar e facelo cantas veces queirades para poder superar as vosas marcas.
Ánimo
https://es.educaplay.com/recursos-educativos/7523401-o_rosco_de_outono.html
Hoxe, 30 de outubro, hai 110 anos nace en Ferrol Ricardo Leopoldo Ángel Gerardo Carballo Calero, o noso gran erudito da lingua galega.
Hai tamén moitos anos, que moitos amantes da lingua e literatura galega, pedimos que o Día das Letras Galegas fora dedicado a este escritor, e por fin chegou o ano.
Foi neste 2020 que a Academia decidiu homenaxear a Ricardo Calero, pero unha pandemia fixo que o seu día, o 17 de maio, non fora tan espectacular como debera. A data, quedou adiada para o día de hoxe, aniversario do seu nacemento.
Como tampouco nos podemos reunir nunha gran festa, como merecería o noso autor, no noso colexio lembrámonos de don Ricardo, coñecendo mellor a súa vida e a súa obra.
Todas as etapas educativas traballaron ao longo dunha semana en diferentes tarefas.
Os máis pequenos colorearon a súa biografía , a Real Academia Galega fíxonos chegar un material marabilloso para que os alumnos souberan quen foi este ilustre galego.
Outras clases fixeron contos coa súa vida, ou despois de ler un dos seus contos,animáronse a escribir para emular a Calero e mesmo deseñaron marcapáxinas con ilustracións do autor.
Os últimos cursos de Educación Primaria e toda a ESO , tras investigar a figura de Carvallo Calero, probaron sorte nunha especie de concurso, con rosco de letras incluído.
Os alumnos de 2º da ESO foron máis alá e fixeron eles mesmos os "roscos", na plataforma educativa "Educaplay".
Invitámosvos a que entredes na plataforma e busquedes os roscos, de seguro que pasades un bo tempo facénndoo.
Todos os alumnos quedaron impresionados coa azarosa vida de Calero, empezou aos 16 anos a carreira de Dereito, aprobou unha oposición ao Concello de Ferrol, fixo outra carreira, a de Filosofía e Letras, aprobou as oposicións a profesor, pero o exame colleuno en Madrid e estalou a Guerra Civil, loitou no bando antifranquista e foi feito prisioneiro. Por este feito , acabada a guerra, non lle deixaron ocupar o posto de mestre.
Foi entón, cando empezou a escribir a meirande parte da súa obra. En Lugo, e grazas a unha amistade, traballou "non oficialmente", no colexio Fingoi.
Nunca se deu por vencido e moitos anos máis tarde volveu a opositar, conseguiu a súa plaza en Santiago, e exerceu no Rosalía de Castro e na Facultade de Letras.
Como veu que os seus alumnos non tiñan material para poder estudar a Lingua Galega, decidiu facer unha gramática e unha historia da literatura.
Magnífico Calero! O teu día chegou ao fin.
